Breinoefeninge om die ouderdom te stuit

When does school readiness start?
April 11, 2017
Magical Milestones for Healthy Baby Development
April 11, 2017

Die meeste vroue wil so lank moontlik jonk bly. Een handige teenverouderingshulpmiddel is áltyd byderhand – jou brein! Hier is ‘n paar praktiese maniere om dit in te span. Deur Mariette Snyman.

“Dis nie jou gesondheid of omstandighede wat bepaal hoe goed dit met jou gaan nie. Dit is wat tussen jou ore sit wat dit bepaal,” sê die Johannesburgse neuro-ontwikkelingskenner dr. Melodie de Jager. “Hoe jy oor jou lewe en jou omstandighede dink, het baie met jou geluk te doen. Maar jou brein is ook met jou spiere en sintuie verweef. Deur sekere fisieke oefeninge kan jy jou spiere en jou sintuie skerp hou, en sommer ook ‘n stroom goedvoelhormone vrystel.”

  1. Mind Moves

Sluit van Melodie se Mind Moves by jou daaglikse roetine in, en beleef die voordele van ‘n wakkerder brein en gelukkiger lyf! Nie te veel moeite as jy graag langer jonger wil bly nie, of hoe?

*Geheueknoppies

Jou oë stimuleer verskillende dele van die brein wanneer hulle opwaarts, afwaarts, horisontaal, na links en na regs draai. Hierdie oefening maak die oë fiks en helder, en hou jou denke wakker en jou geheue soepel.

  1. Haal jou bril af as jy een dra.
  2. Hou jou regterduim op elmboogafstand van die oë en fokus daarop.
  3. Beweeg die duim opwaarts, eers rondom die linkeroog en dan rondom die regteroog.
  4. Ruil hande om en herhaal die proses. Trek altyd eers ‘n sirkel om die linkeroog en dan om die regteroor; dit verbeter jou leesvermoë.
  5. As jou oë op ‘n sekere posisie swaarkry, hou jou oë vir agt sekondes in daardie posisie en haal stadig en diep asem. Dit sal die spanning verlig.

*Antennaversteller

Hierdie oefening ontwikkel balans, gehoor en geheue. Dit help veral om spiere soepel te hou en regop te bly. Dit kan jou ook rustig help slaap as jy dit net voor slaaptyd doen.

  1. Lig die arms en hou elke oorskulp tussen die duim en vingers van die hand aan daardie kant vas.
  2. Masseer albei oorskulpe gelyktydig van bo na onder met sirkelbewegings.
  3. Maak seker jy masseer die hele oorskulp minstens drie keer vir goeie effek.

Dié Mind Moves kom uit “Die glinster in my grysheid” deur dr. Melodie de Jager.